வாரம் 14 – குடும்பங்களில் தெய்வீக ஒழுங்கை மீட்டெடுத்தல்

(31 மே – 6 ஜூன் 2021)

பகுதி 1: திருமண உடன்படிக்கையை மீட்டமைத்தல்

(கடவுளின் தெய்வீக ஒழுங்கிற்குத் திருமணம் முக்கியமானது. இந்த ஜெபங்களை உங்கள் சொந்த திருமணத்திற்காகவோ உங்களுக்குத் தெரிந்த ஒருவருக்காகவோ ஜெபிக்க பயன்படுத்துங்கள். நீங்கள் இன்னும் திருமணமாகவில்லை என்றால் உங்களுக்குத் தெரிந்த தம்பதிகளுக்காக ஜெபிக்கவும் எ.கா. குழந்தைகள், திருமணமாகதவர், விவாகரத்து பெற்ற குடும்பங்கள், நண்பர்கள் அல்லது குடும்ப உறுப்பினர்களில் திருமணத்திற்காக ஜெபிக்கலாம்.)

சர்வவல்லமையுள்ள கர்த்தரே, உங்கள் வசனத்தில்,

“6… ஆதியிலே மனுஷரைச் சிருஷ்டித்த தேவன், அவர்களை, ஆணும், பெண்ணுமாக உண்டாக்கினார்.’

7 ‘இதினிமித்தம் புருஷனானவன் தன் தந்தையையும் தாயையும் விட்டுவிட்டு மனைவியுடன் இசைந்திருப்பான்.

8 அவர்கள் இருவரும் ஒரே மாம்சமாயிருப்பார்கள்’; எனவே, அவர்கள் இருவராயிராமல் ஒரேமாம்சமாயிருக்கிறார்கள்’.

9 ஆகையால், தேவன்ஒன்றிணைத்ததை மனிதன் பிரிக்காதிருக்கக்கடவன்.” (மாற்கு 10: 6-9 ) நீங்கள் சொன்னீர்கள்.

சர்வவல்லமையுள்ள கடவுளே, நீங்கள் ஓர் உடன்படிக்கையாளர், கிறிஸ்துவின் மணமகனாகிய திருச்சபைக்காகத் தனது உயிரைக் கொடுத்த உங்கள் மகன் இயேசு கிறிஸ்துவின் மூலம் எங்களுக்கு நித்திய உடன்படிக்கையை வடிவமைத்தீர்கள்.
கர்த்தாவே, ஒவ்வொரு திருமணத்தையும் நாங்கள் உங்கள் முன் கொண்டு வருகிறோம். ஒவ்வொரு திருமணத்தையும் இயேசு கிறிஸ்துவின் உடன்படிக்கை இரத்தத்தின் கீழ் கொண்டு வருகிறோம். நம்முடைய கர்த்தராகிய இயேசு கிறிஸ்து சிலுவையில் முடிக்கப்பட்ட வேலையின் மூலம் எதிரியின் செயல்களை வென்றதற்கு நன்றி.
திருமணங்களையும் குடும்பங்களையும் திருடவும், கொல்லவும், அழிக்கவும் வெளியே இருக்கும் பிசாசின் வேலைக்கு எதிராக எல்லா திருமணங்களுக்காகவும் நீங்கள் போராடுமாறு கேட்டுக்கொள்கிறோம். நீங்கள் ஒன்றிணைத்ததை, யாரும் பிரித்து விடக்கூடாது.
திருமணமான ஒவ்வொரு தம்பதியினருக்கும் இடையே அன்பு, விசுவாசம், அடிபணிதல், மரியாதை, மன்னிப்பு, தயவு, பொறுமை மற்றும் ஒருவருக்கொருவர் கருணை உணர்வுகளில் உங்களை மதிக்கும் ஒரு திருமணத்தை உருவாக்க உங்கள் ஆவியால் அதிகாரம் அளிக்கவும்.
வலிகள் மற்றும் குற்றங்கள் இருக்கும் இடங்களில், ஒருவருக்கொருவர் மன்னிக்க அவர்களுக்கு உதவுங்கள். உங்கள் அன்பில் வேரூன்றவும் ஸ்தாபிக்கவும் அவர்களை இயக்கவும், அன்பு அவர்களிடையே உள்ள பாவங்களை மறைக்கட்டும். அவர்களின் திருமணம் ஒரு முன்மாதிரியாக இருக்கட்டும், இது அவர்களின் குழந்தைகள் மற்றும் அவர்களின் குழந்தைகளின் குழந்தைகளுக்கும் தாக்கத்தை ஏற்படுத்தும் வண்ணம்அமையட்டும்..

ஆண்டவரே, இன்று எங்கள் திருச்சபைகளில் உள்ள அனைத்துத் திருமணங்களும் கடவுளின் தெய்வீக ஒழுங்கிற்கு மீட்கப்பட வேண்டும் என்று கேட்க ஒரே குரலாக இணைகிறோம்.

கிறிஸ்து தேவாலயத்தை நேசித்ததோடு, அதற்காகத் தன்னை விட்டுக் கொடுத்தது போல, கணவன்மார்கள் தங்கள் மனைவிகளை நேசிக்கவும் அவர்களிடம் கடுமையாக இருக்கமாட்டார்கள் என்று நாங்கள் இறைவனிடம் ஜெபிக்கிறோம்; (எபேசியர் 5:25, 28; கொலோசெயர் 3:19).
கணவர்கள் தங்கள் மனைவிகளை விவாகரத்து செய்யக்கூடாது என்று பிரார்த்திக்கிறோம் (1 கொரிந்தியர் 7:11), மேலும் தங்கள் ஜெபங்களுக்கு எந்த இடையூறும் ஏற்படாதவாறு தங்கள் மனைவிகளிடம் அக்கறையுடன் இருப்பார்கள் (1 பேதுரு 3: 7).
திருச்சபை கிறிஸ்துவுக்குக் கீழ்படிந்தது போல எல்லாவற்றிலும் மனைவிகள் தங்கள் கணவர்மார்களுக்குக்கீழ்ப்படிய வேண்டும் என்று நாம் கர்த்தரிடம் ஜெபிக்கிறோம் (எபேசியர் 5:22, 24).
மனைவிகள் தங்கள் கணவருக்கு மரியாதை காட்ட வேண்டும் என்று நாங்கள் ஜெபிக்கிறோம் (எபேசியர் 5:33) இதனால் விசுவாசமற்ற கணவர்கள் கூட தங்கள் வாழ்க்கையின் தூய்மையையும் பயபக்தியையும் காணும்போது வார்த்தைகள் இல்லாமல் வெல்லப்படுவார்கள். (1 பேதுரு 3:11).
மனைவிகள் தங்கள் கணவர்களை நல்லவர்களாக மாற்ற எழுவார்கள், தங்களின் வாழ்நாள் முழுவதும் தீங்கு விளைவிப்பதில்லை. அவர்கள் ஞானத்துடன் பேசுவார்கள், உண்மையுள்ள போதனை அவர்களின் நாக்குகளில் இருக்கும். அவர்கள் தங்கள் வீட்டு விவகாரங்களை ஞானத்துடனும் கர்த்தருக்குப் பயந்த உணர்வுடனும் கண்காணிக்க வேண்டுமென்று நாங்கள் பிரார்த்திக்கிறோம். (நீதிமொழிகள் 31: 26-28, 30).

சர்வவல்லமையுள்ள கடவுளே, திருமணமான ஒவ்வொரு தம்பதியினர் ஒருவருக்கொருவர் உண்மையுள்ளவர்களாகவும், அவர்களது திருமண உடன்படிக்கையுடனும் இருக்க உங்கள் ஆவியால் நீங்கள் அதிகாரம் அளிப்பீர்கள் என்பதற்கு நன்றி. அவர்கள் ஒன்றாக ஜெபிக்கவும் உங்களைத் தேடவும் கூடிவருகையில், அவர்களின் வீடு மற்றவர்கள் காணும் இருளில் ஒரு வெளிச்சமாக மாறும் என்று நாங்கள் பிரார்த்திக்கிறோம்.

இயேசுவின் பெயரில் நாம் கேட்டு ஜெபிக்கிறோம். ஆமென்.