ஆபத்து அல்லது நெருக்கடி நிகழ்வுக்கான பிரார்த்தனை
இந்த வாரம், திறப்பிலே நின்று கீழ்க்கண்ட குறிப்புகளுக்காக ஜெபிக்க சிறிது நேரம் ஒதுக்குவீர்களா?
- புத்ராஜெயா – மோசமாகிக் கொண்டிருக்கிற தொற்றுநோயைக் கையாள ஞானத்துக்காகவும், நமது பிரதமரின் ஆரோக்கியத்துக்காகவும்பா
- ராளுமன்றம் – அனைவரின் நல்வாழ்விற்கும் முன்னுரிமை அளித்தல், ஊழலைத் தடுப்பதில் முன்னெச்சரிக்கையாக செயல்படுதல் , அனைத்து வகையான இனவெறிக்கும் முற்றுப்புள்ளி வைப்பது
- ஏழைகள் மற்றும் கஷ்டப்படுபவர்கள் – இந்த தற்போதைய பொருளாதாரக் குறைவில் துன்பப்படுகிறவர்களுக்காக, அவர்களின் கஷ்டத்தைத் தணிக்க சமுதாயம் மேற்கொண்ட பல முயற்சிகளுக்காக.
- போதகர்கள், ஊழியத்தில் உள்ளவர்கள் மற்றும் அவர்களது குடும்பங்கள் – இந்த காலகட்டத்தில் அவர்களுக்கு விசேஷித்த பாதுகாப்பு தேவை
மலேசியாவுக்கான ஆசீர்வாத ஜெபம்
பிதாவே ஆண்டவரே, எங்கள் தேசம் நெருக்கடியான காலத்தைக் கடந்து செல்லும்போது, எங்கள் தேசத்தை ஆசீர்வதிப்பதற்காக நாங்கள் ஒரு மனப்பட்டு ஒன்றாக நிற்கிறோம், இதன்வழி சிலுவையிலிருந்து வரும் ஆசீர்வாதங்கள் எங்களுக்கு எதிராகப் பயன்படுத்தும் ஒவ்வொரு சாபத்தின் சக்தியையும் உடைக்கும்.
அ.புத்ராஜயா
- ஆண்டவரே, நாங்கள் உம்மை ஆசீர்வதிக்கிறோம், உங்கள் பிரசனத்தை எங்கள் தேசத்தில் வரவேற்கிறோம். மலேசியாவின் அனைத்து எதிரிகளும் சிதறடிக்கப்பட்டு, கர்த்தாவே உமது முன்னிலையில் மலைகள் மெழுகு போல உருகட்டும்.
- ஆண்டவரே குழப்பம், சீர்கேடு மற்றும் உறுதியற்ற தன்மையை ஏற்படுத்த முயற்சிக்கும் இருளின் சக்திகளுக்கு எதிராக நாங்கள் ஒன்றாக நிற்கும்போது எங்களை ஆசீர்வதியுங்கள்.
- சமாதான தேவனான இயேசு எங்கள் மலேசியா தேசத்தில் அமைதி, ஒழுங்கு மற்றும் உறுதியான நிலைபாடுஅமைய ஆசீர்வதிக்கிறோம்.
ஆ. தொற்றுநோய்
- இயேசுவின் நாமத்தினாலே, எங்கள் தேசத்திலிருக்கும் மரணம் மற்றும் நோயின் சாபத்தைக் கண்டிக்கிறோம்; ஆண்டவரே உங்கள் கருணையினால் மலேசியாவைக் கோவிட் 19 தொற்றிலிருந்து விடுவிக்கவும்.
- ஆண்டவரே, உம்முடைய பரிசுத்த ஆவியின் வெளிப்பாட்டால் எங்களை ஆசீர்வதியுங்கள், இதன் மூலம் நோயுற்றவர்களுக்கும், மனச்சோர்வு அடைந்தவர்களுக்கும், மரணத்தின் விளிம்பில் இருக்கும் நபர்களுக்காகவும் ஜெபிக்க நாங்கள் ஒரு மனப்பட்டு நிற்கும்போது உமது குணப்படுத்துதல், விடுதலை மற்றும் அற்புதங்களைக் காண்போம்.
- கோவிட் 19க்கு எதிரான போராட்டத்தில் ஈடுபட்டுள்ள முன்னணி பணியாளர்கள் மன, உடல் மற்றும் சரீரவலிமையுடன் இருக்க ஆசீர்வதியுங்கள். அவர்களின் குடும்பங்களையும் மலேசிய சுகாதார அமைச்சையும்(MOH) அவர்களுக்கு மிகவும் தேவையான ஞானம், பொருள்கள், நெருக்கடியான சூழ்நிலையைச் சரியாகநிர்வகிக்கும் ஆற்றல் முதலியவற்றால் ஆசிர்வதியுங்கள்.
இ. பாராளுமன்றம்
- இப்போதே அனைத்து அரசியல் தலைவர்களை அவர்களின் மனத்தை மழுங்கடித்து, அவர்களின் இதயங்களைச் சிதைக்கும் சாபங்களிலிருந்து விடுவிக்க ஆசீர்வதிக்கிறோம்.
- அவர்கள் கடவுளுடைய பயத்தால் நிரப்பப்பட ஆசீர்வதிக்கிறோம். அவர்கள் இனவெறி, தீவிரவாதம், அதிகாரஆசை ஆகியவற்றை நிராகரிக்கும் ஞானத்தால் நிரப்பப்படவும் ஆசிர்வதியும்.
- அவர்கள் மக்களுக்கு நல்லது என்று கருதும் காரியங்களுக்குப் பொதுவான விருப்பத்துடன் ஒன்றிணைந்து செயல்பட வேண்டும் என்று ஆசீர்வதிக்கிறோம்.
ஈ. ஏழ்மை
- ஏழைகளுக்கு உதவும் ஒவ்வொரு சமூக முயற்சியையும் ஆசீர்வதியுங்கள். இந்தக் காலம் இன, பொருளாதார மற்றும் சமூக பிளவுகளின் சுவர்களை உடைக்கட்டும்.
- ஏழைகள், நோய்வாய்ப்பட்டவர்கள் மற்றும் இறக்கும் நபர்களின் தேவைகளைப் பூர்த்தி செய்ய நாம் எழும்போது ஆவிக்குரிய உத்வேகத்துடன் அனைத்துத் திருச்சபைகளை ஆசீர்வதியுங்கள்.
- தயவுசெய்து ஒவ்வொரு செயலையும் ஆசீர்வதியுங்கள். இதனால் திருச்சபை ஒரு மலையின் மீது உள்ள நகரமாகவும் அதன் ஒளி மறைக்க முடியாத ஒன்றாக இருக்கும்.
- தன்னார்வத் தொண்டு நிறுவனங்கள், அரசுத் துறைகள் மற்றும் பிற அமைப்புகளுடன் இணைந்து செயல்படுவதால் திருச்சபை இலக்குகளை அடைய ஆற்றல்மிக்க ஒற்றுமை ஆவியினைப் பெறஆசீர்வதியுங்கள்.
ஈ. போதகர் & திருச்சபை மூப்பர்கள்
- எங்கள் திருச்சபைகள் அன்பு, மகிழ்ச்சி மற்றும் அமைதி ஆகியவற்றால் நிரம்பி வழிய ஆசிர்வதிக்கிறோம்.
- எங்கள் போதகர்கள் மற்றும் தலைமைத்துத்தில் உள்ள அனைவரையும், அவர்களின் குடும்பங்கள், வீடுகள் மற்றும் அவர்களின் ஊழியம் முதலியவற்றின் மீது உங்கள் பாதுகாப்புத் தீ ஜெப அரண் மூலம் பெற ஆசீர்வதிக்கிறோம்.
- எங்களுடைய போதகர்களும் தலைவர்களும் உன்னதமானவரின் தங்குமிடத்திலும் சர்வவல்லவரின் நிழலிலும் குடியிருக்கட்டும்.
- அவர்களுக்கு எந்தத் தீங்கும் வராது என்றும், எந்தப் பேரழிவும் அவர்களுக்கு அருகில் வராது என்றும் நாங்கள் அறிவிக்கிறோம்.
- நீங்கள் அவர்களின் பலமாகவும், கேடயமாகவும், வலுவான கோபுரமாகவும் இருப்பீர்கள்.
இயேசுவின் நாமத்தில் நாங்கள் ஜெபிக்கிறோம், ஆமென்.
சங்கீதம் 75 அதிகாரம்
1. உம்மைத் துதிக்கிறோம், தேவனே, உம்மைத் துதிக்கிறோம்; உமது நாமம் சமீபமாயிருக்கிறதென்று உமது அதிசயமான கிரியைகள் அறிவிக்கிறது.
2. நியமிக்கப்பட்ட காலத்திலே, யதார்த்தமாய் நியாயந்தீர்ப்பேன்.
3. பூமியானது அதின் எல்லாக் குடிகளோடும் கரைந்துபோகிறது; அதின் தூண்களை நான் நிலைநிறுத்துகிறேன். (சேலா.)
4. வீம்புக்காரரை நோக்கி, வீம்புபேசாதேயுங்கள் என்றும்; துன்மார்க்கரை நோக்கி, கொம்பை உயர்த்தாதிருங்கள் என்றும் சொன்னேன்.
5. உங்கள் கொம்பை உயரமாய் உயர்த்தாதிருங்கள்; இறுமாப்புள்ள கழுத்துடையவர்களாய்ப் பேசாதிருங்கள்.
6. கிழக்கிலும் மேற்கிலும் வனாந்தர திசையிலுமிருந்து ஜெயம் வராது.
7. தேவனே நியாயாதிபதி; ஒருவனைத் தாழ்த்தி, ஒருவனை உயர்த்துகிறார்.
8. கலங்கிப் பொங்குகிற மதுபானத்தினால் நிறைந்த பாத்திரம் கர்த்தருடைய கையிலிருக்கிறது, அதிலிருந்து வார்க்கிறார்; பூமியிலுள்ள துன்மார்க்கர் யாவரும் அதின் வண்டல்களை உறிஞ்சிக் குடிப்பார்கள்.
9. நானோ என்றென்றைக்கும் இதை அறிவித்து, யாக்கோபின் தேவனைக் கீர்த்தனம்பண்ணுவேன்.
10. துன்மார்க்கருடைய கொம்புகளையெல்லாம் வெட்டிப்போடுவேன்; நீதிமானுடைய கொம்புகளோ உயர்த்தப்படும்.